Header AD

قناع سحري لعلاج الرؤوس السوداء

قناع سحري لعلاج الرؤوس السوداء


كلكوا جربتوا أكتر من علاج للرؤوس السوداء اللى بتظهر فى البشرة والأنف , دة غير التنظيف بالبخار اللى


 بنعمله كل شوية بالاضافة لإستعمال الكريمات  المختلفة و كريم الاساس اللى بنحاول نخليه يداري الرؤوس السوداء !
زينة لمنتجات التجميل المغربية جابتلكم إختراع تحفة و متجرب دة غير إنه مبياخدش وقت وهايخلصك من مشكلة الرؤوس السوداء اللى بتظهر في وشك .

خلينا نعرف الأول إيه سبب وجود الرؤوس السوداء ؟

البشرة غالباً بيكون نوعها دهنية وبتبقى عبارة عن مسامات , ولما الدهن بيفرز على سطح البشرة , فايختلط معاها البكتريا والأتربة والجلد الميت , فاتمتصها المسامات , ولما نسيب البشرة من غير تنظيف مستمر ، البكتريا بطبيعة الحال هتتكاثر جوة المسام و تبدأ تتكون مشكلتنا المزمنة وهي الحبوب والرؤوس البيضاء , ضيفي على كدة الأتربة والجلد الميت والأوساخ وخلافه اللى امتصتها المسام هاتتأكسد فاتتحول بقى لرؤوس سوداء !

طيب إيه هي أكتر الأماكن اللي بتتكون فيها الرؤوس السوداء ؟

من أكتر الأماكن اللي بتتعرض لمشكلة الرؤوس السوداء في البشرة هي الدقن والأنف وأحياناً منطقة الخدود لأن بيتكون فيها دهون والمسام بتكون واسعة فيها وبتلم أتربة بسهولة .

وهنا ييجي دور زينة لمنتجات التجميل المغربية لحل المشكلة دي وبتقترح عليكي الماسك السحري :

مكونات الماسك السحري :

1 - علبة جيلاتين ناشف بدون أي عطور و لا نكهات . " هاتجيبيها من الصيدلية "
2 - معلقتين تلاتة لبن بأى نسبة دسم .

الحمام المغربي
علبة جيلاتين ناشف
نيجي بقة يا بنات لطريقة التحضير :

نخلط ملعقة من الجيلاتين مع 3 ملاعق لبن لاحد ما تصبح عجينة , ونحط العجينة دي في المايكروييف لمدة 10 ثواني مش أكتر و مافيش مايكروييف ممكن تستعملي البوتاجاز العادي بأنك تحطي العجينة في طاسة فيها مياه مغلية و تقلبيها و بعدين تشيليها بسرعة من على النار وبسرعة بردة تدهني وشك بالماسك السحري .

إزالة الرؤوس السوداء من زينة
طريقة الغلي في الطاسة
هانسيب الماسك على المنطقة المتكون فيها الرؤوس السوداء لمدة ربع ساعة لحد ماينشف الماسك على الجلد ونبدأ نقشره , ساعتها هاتكتشفوا كمية أتربة فظيعة دة غير الرؤوس السوداء الكبيرة اللى هاتخرج مع تقشير الماسك , زينة لمنتجات التجميل المغربية بتبشركم بإن النتيجة بالفعل , هاتبهركم , ودة يعتبر ماسك طبيعي مفيش فيه أي أضرار , وكمان ممكن تعمليه مرة أو إتنين في الإسبوع .

طريقة إزالة الرؤوس السوداء
إزالة الرؤوس السوداء
قناع سحري لعلاج الرؤوس السوداء قناع سحري لعلاج الرؤوس السوداء Reviewed by wasafatzena on 8:30 ص Rating: 5

ليست هناك تعليقات

إعلان